Ka IMD da pyntip ko wa ka Cyclone da sdang lang ko ha Bay of Bengal wei daw hiar khyndaw ko ha Odisha wa ha West Bengal ha ka 25 tarik uni u bnai.
Kani ka Cyclone wa da e pyrtuid Cyclone Dana daw man ko kam ka Severe Cyclonic Storm cha liang sepsngi ka Bay of Bengal mynstep i step wei daw poi ko ha rood duriaw Odisha wa West Bengal hapyrdi ka Puri wa Sagar Island wei ka la’ær wa beh u man ko 100-110 km/h chirup wa u slap.
Neiliang ki bor District ka Odisha da kyntu ki ya ki paidbah wow man kiwa syndong wei wow husiar wei da phah liwan ya waroh ki lieñ wa khwe ha duriaw.
U Director ka Centre for Environment and Climate (CEC), u Dr. Sarat Chandra Sahu da pyntikna u wa kani ka Cyclonic Storm daw poi ko ha Odisha mynstep i miet.
U Minister ka Revenue and Disaster Management ka Odisha, u Suresh Pujari da ong u wa da pynkhreh 5,000 tylli ki thaw rieh wei daw kyrriah leh ya kamwa 10 lak ngut ki bru.
Ka sorkar da pynkhreh ko leh wow pynmih ya ki bru na ki 3,000 tylli ki chnong na ki 14 District cha ki Relief Camp.
Neiliang ka Indian Coast Guard da kyntu ko ya ki lieñ wa em ha duriaw wow liwan cha yung deiwa pynbna yeini lyngba ki lieñsuiñ, ki jhaad wa ki Station.
Kani ka Cyclone Dana ye kow wow wanrah slap ha ka 23 wa 24 tarik uni u bnai ha ki kattu katni ki thaw ka Assam, Arunachal Pradesh, Meghalaya, Nagaland, Manipur, Mizoram wa Tripura.
Discussion about this post