Ka Meghalaya SSA School Association (MSSASA) da pynsñiaw ko yei kyrchaan yei rai yong ka chnat Puræ Puthi wow pynkrehkaam ya ka Teacher Information Management System (TIMS) Application.
I pynkrehkaam da ka TIMS toh yow pyntikna wa biang i krehkaam wa i lai skur kiwa sikai.
I rukom krehkaam ka TIMS toh yow pyntikna wa waroh kiwa sikai SSA hapoh ka jylla e pyrtuid ki hawa wan skur ki.
Kani ka App daw pyntikna ko deiwa chim yukheiñ yei wan skur kiwa sikai wei daw pynyabi lang leh yei pynlait tulop lyngba ka Payroll & Employee Management System (PEMS).
Hawa pyntip wa ka MSSASA kyrchaan ko yei rai yong ka chnat puræ puthi wow pynkrehkaam da ka TIMS, u President ka MSSASA, u Aristotle Rymbai da ong u, “Ini toh i rai wa biang bha wei ini ymtoh de iwa thymme wei toh ka rai kawa biang tam wa chim da ka chnat Puræ Puthi”.
U Aristotle da khana u wa hachwa wow pynkrehkaam ya ka TIMS, ka sorkar jylla lyngba u Director da khut yaklam ko hajrong kani ka App yow booddien yei wan skur kiwa sikai SSA ha ki skur.
Discussion about this post