Kam wow pynkhreh ya ka Cyclone Dana, ka jylla Odisha da kyrriah ko ya kiwa boon lak ngut ki bru na ki thaw sah wa ki chnong yong ki wa em ha rood duriaw heiwa 1,14,000 ngut da kyrriah cha ki thaw rieh ha West Bengal.
U Chief Minister ka Odisha, u Mohan Charan Majhi da pyntip u wa da kyrriah hadooh 3-4 lak ngut na ki thaw wa maa namo ki ‘Danger Zone’.
Ka Cyclone Dana daw wanrah ko ya ka la’ær wa 120 km/hr katkam wa ong ka India Meteorological Department (IMD).
Ka IMD da ong ko leh wa ka Cyclone Dana kawa sdang na Bay of Bengal daw wanrah ko ya u slap wa joor ha ki District ha West Bengal wa Kolkata.
Neiliang ka Eastern wa South Eastern Railways da pyndam ko ya ki rel ha ka 24 wa 25 tarik.
Ki lieñ ha Sunderban kam ha North wa South 24 Pargana Districts leh da pynsangeh ya ki kamjooh ki lieñ ha ka wah Hooghly.
Ka sorkar da khang ko leh ya ki lieñsuiñ wow hær ha ki Airport wa em ha Kolkata wa ha Bhubaneswar nadooh myntu i janmiet hadooh mynstep i step ka 25 tarik.
Discussion about this post