Ka 8th Invitation Knockout Football Tournament wa pynman da ka Wahiajer Sport Club da pteiñ biang ya ka ynne ha Wahiajer Sports Complex da ka yalehke wa 20 kani ka lympung yalehbol kawa man leh ka yalehke wa soo ka Pre-Quarter Final.
Ha kani ka yalehke, ka Friends United da yoh ko u psiah Quarter Final deiwa pynrem ya ka Galaxy FC da 2-1.
Ya ka Friend United da thap da u Pynhun Suting haka minit wa 4 wa u Pormi Ksoo ha ka minit wa 51 katwa ya ka Galaxy da yoh thap da u Wanmi War haka minit wa 70.
Yei naam Man of the Match da yoh da u Pynhun Suting.
Ki yakhun Pre-Quarter Final wa dang sah da hap pynsangeh chwa neidaw wa daw pynman ya ka Meghalaya State League (MSL) ha kani ka madan.
Ya ki tarik wa thymme daw pynbna won hadien.
Discussion about this post