U Bikas War uwa dang 19 snem uwa na chnong Nartiang uwa dang dep yoh nyngkong ini wa dep ha ka World Cup Powerlifting Championship 2026 wa pynman ha Kathmandu, Nepal deiwa jop ha ka Deadlift Under 52 Kg ka Sub-Junior Category, kattu u lai chimbynta u ha ka National Powerlifting Chmpionship kawa daw pynman ha New Delhi nadooh ka 20 hadooh ka 22 tarik u November 2026.
U Bikas ha New Delhi daw mihkhmat u ya ka Meghalaya heiwa daw chimbynta u ha ka Deadlift wa ka Bench Press ha ka Under 52 Category ka Sub-Junior.
Neiliang ka yung ka sem da paan ko yei kyrchaan yong phi ki paidbah sa chisien yow wanrah burom u Bikas ya ka Meghalaya kamwa ini wa dep da wanrah burom u ya ka India ha Nepal.
U Bikas toh uwa dadep jop leh boon ki takma ha ka yakob Bench Press wa Dead Lift nadooh u 2025.
Puræ leh: Yoh nyngkong uwa na Nartiang ha ka World Cup Powerlifting Championship 2026
Discussion about this post