Chah khang tala ka kamra krehkaam u Registrar ka NEHU | E kiwa sikai yei kyrchaan

Kiwa lai puræ ka skurbah ka North Eastern Hills University (NEHU) da khrwait ki ya u Vice Chancellor ka NEHU, u Prof. Prabha Shankar Shukla deiwa ong wa yachah wei wanrah u ya u Registrar u wym tip iyi iyi ya ki aiñ ki kyndon ka NEHU.

U President ka NEHUSU, u Sandy Sohtun da pynbaad u wa u Registrar uwa thung hi u Vice Chancellor ka NEHU ym tip u iyi iyi ya ki kyndon aiñ ka NEHU wei dang rap tip kiwa lai puræ.

Da ong u leh wa ym pu chem ya u Registrar uwa kam uni u wym em i chemphang kajiak leh yei kreh wei da dawa u wow mih noh u na NEHU neibhah wym emkaam ya oo.

Iwa da pynchrai ya kiwa lai puræ toh wa u Vice Chancellor da yachah ware u ya uni u Registrar wot hawa da dawa ki wow mih noh u na kamra ka yalang ka 113th Academic Council tangwa ym bien u iwa da pynman ya ki wow mih ki plak na ka yalang.

Kamtæ ka NEHUSU deilang ka KSU NEHU Unit da khang tala ki ya ka yung krehkaam u Registrar, u Colonel (Rtd) Omkar Singh deiwa beh ya oo napoh ka kamra krehkaam u.

Related posts

Booh ka sorkar USA ya ka Map wa pura ka India | Chrai ka Pakistan

February 7, 2026

Lai kem mooyong ki bor sorkar na 21 tylli ki thaw wa em ha East Jaiñtia Hills

February 7, 2026

Da dawa ki leh na u Vice Chancellor wow beh kreh noh ya u Singh neidaw wym man u uwa biang wow leh yei kaam u.

Neiliang won u NEHUTA President, u Prof. Lakhon Kma da ong u wa ka NEHUTA kyrchaan ko yeini wa leh ka NEHUSU.

Da khana u leh wa dadep ong ki ya u VC wa ymtip ki wot ya ki dkhot ka Selection Committee kiwa da jied ya u Singh kam u Registrar.

Katkam wa ong u Prof. Kma, u VC da pyrchang u pynksan yei jied ya u Registrar u wym tip iyi iyi leh yei kaam du neidaw wa yajan u wa oo, iwa daw pynsih yei pyrtuid ka NEHU.