Ka Dorbar Chnong Thadmuthlong C Phramer, Elaka Shangpung, West Jaiñtia Hills ha ka 26 tarik uni u bnai da pynkupburom ko ya u Budki Suchiang.
U Budki Suchiang toh uwa na kani hi ka chnong wei man u u khon ka Rilda Suchiang wa u Rolly Lyngdoh.
Ini i pynkupburom ya u Budki Suchiang toh hadien wa Pass u ya ka MPSC 2024 ha ka kyrdan Unreserved Seat wow em hapoh Meghalaya Police Service (MPS) kam u DSP wei man u uwa nyngkong dooh u sahep MPS na ka chnong.
Ha ini i pynkup burom da em waroh artylli ki dong kiwa em hapoh ka chnong kitæ ka Dong Phramer, Dong Muchut wa ki seiñ kam ka VDP chnong, Phramer Youth Culture & Sport Club, Seiñ Manbei wa Phramer Unit Seiñ Raij Club.
Da emlang leh u Waheh Chnong, u Balen Tang, u Secretary Chnong, u Yooki Suchiang wa ki Rangbah Dong, Secretary Dong wa kiwi kiwi.
Discussion about this post