Da tyrwa hakhmat ka High Court wow tympdung ya ki thaw psiah cha ki krem mooyong

Ka mukotduma PIL wa yaleh da ka Meghalaya High Court hi heiyatoh wa i thih mooyong pyrchah ya ka aiñ hapoh ka jylla, da chong bichaar biang ka ynnin ka sngi heiwa da yatai heiyatoh waka 24^th wa 25^th Interim Report wa da wan e da ka Committee wa samen bru wa khlieh da u Justice (Retd), u B.P. Katakey heiwa neiliang ka sorkar da wanrah ko leh ya ka Report wa pynyoo iyi wa da leh ki yeiwa da phah ka Committee.

Neiliang ka yung bichaar da ong ko wa dang em hi iwa emkaam u leh smat da ka sorkar jylla heiwa iwa nyngkong dooh toh ya ka Survey wa toh u leh lyngba ki dur wa chon da ki Satellite ya ki thaw wa em mooyong tangwa da pyntip wa ka NESAC kawa toh u leh yeini da ong ko wym ye u leh neidaw wym em ki Satellite ka India wa ye u chondur da kiwa miat (High Resolution) tangwa ka High Court da ong ko wa emkaam bha u leh ya kani ka Survey heiwa ka muktiar ka sorkar da ong ko wa ye u phah wow leh da ka Meghalaya Basin Development Authority yeini.

I wa ar won wa da kdaw ka High Court toh yei em i pynbaad wa em hi i tih mooyong pyrchah aiñ ha South West Khasi Hills District wei katkam wa tyrwa ka 25^th Interim Report ka Committee, da phah wa emkaam wow lai pait dei langær yeini tangwa neiliang ki bor District da ong ki wa eh bah u leh neibhah em boon bha ki krehkaam mooyong kiwa da ieh wei kiwa ye u sdang biang u pynkrehkaam ha iwon iwon i por wei katkam ka Report wa da e ka District, da ong wa lada ye wow e yarap ya ki yow khang syndon deiwa tympdung yei thaw psiah yow lait wow pynemkaam biang ki.

Sa kawi won ka phang wa da wanrah toh yei wow booh ya ka Smart Integrated Check Gate ha Borsora, Bagli wa Cherragaon neibhah ym pu em booh ya kini, heiwa ka sorkar da e daw toh wym yoh thaw wow booh ya kini. Katkam ka Report da tyrwa wa toh u jied da ka luti wa hap lai ki kari wei lada em kiwa lai na kawi won ka luti toh u kem ya u mooyong wei yeini leh ym pu em leh ka sorkar jylla.

Related posts

Im biang u bru chwa u thang uwa da pynbna ki Doctor kam uwa da yap

November 23, 2024

Chah ieh iwi i khonboo hapoh ka Cradle Point

November 23, 2024

Heiyatoh wa kiwi de ki phang, ka yung bichaar da ong ko wa da bood yeiwa da phah ka Committee hanla ymtoh waroh i jait.

Da phah leh ya ka sorkar wow pyntip katwon da yoh nei ka bai booh ya u mooyong wei kamjooh sa katwon u mooyong u wym pu em kit.