U Union Minister of State wa pait ya ka External Affairs wa Textile, u Pabitra Margherita da wan u wow embynta ha ka Rozgar Mela 2024 ynne yow e chithi thung kreh sorkar ya ki khynroo khyllood yow poi cha ka thong Atmanirbhar Bharat.
Ynne da saam palat 51,000 tylli ki chithi thung kreh ha kiwa boon ki chnat sorkar heiwa ha Meghalaya da saam 207 tylli heiwa 191 ngut toh kiwa da yoh kreh hapoh ka Department of Post, 15 ha Railways wa 1 ha NIT Meghalaya.
Ha ka yalang wa da pynman ha Shillong, kiwa da yoh chithi thung kreh toh kiwa na Meghalaya, Manipur, Nagaland, Mizoram, Tripura wa Assam.
U Margherita da pyntip u wa ka Rozgar Mela toh kawa da pynman ha 40 tylli ki thaw ha India deilang ha Meghalaya wei da sñiaw sarong u wow yoo ya ki spah ngut ki khynroo khyllood kiwa da sdang ya ka luti wa thymme ki.
Neiliang won u Prime Minister, u Narendra Modi hawa klam lyngba ka Video Conference da ong u wa u e kreh sorkar cha ki lak ngut ki khynroo iwa da pteiñ hadooh kattæ u leh.
Discussion about this post