Daw pynman ya ka Basketball Trial neibynta ki chynrang wa kynthai yow lai chimbynta ha ka National School Games

Ka Directorate of Sports & Youth Affairs ka sorkar Meghalaya daw phah ko ya kiwa chimbynta ha ka 68th National School Games 2024-25 hei yalehke Basketball kawa daw pynman da ka School Games Federation of India ha Patiala, Punjab nadooh ka 20 hadooh ka 26 tarik uni u bnai.

Heiyatoh wa ini, daw pynman ya ka Selection Trial yow jied ya ki Under-19 Boys ha ka 1 tarik uni u bnai katwa ya ki Under-19 Girls won ha ka 2 tarik uni hi u bnai ha Basketball Court, J.N. Sports Complex, Polo, Shillong.

Kitu kiwa kwah wow chimbynta hap ki wow wanrah ya u Aadhaar Card wa Birth Certificate da ki Original yow pyntikna yei rta ha i thaw pynman nadooh 7:00 waje i step.

Yow tip bniah ye wow Phone cha ka Yolinda Hynniewta, Basketball Coach, Directorate of Sports & Youth Affairs, Shillong ha i Number-879443576.