Artatien wa daw ye ka sorkar pyrdi u pynkylla ya ka 6th Schedule chwa wow kut u snem

U MDC ka Congress na Mawkhar-Pynthorumkhrah, u Pynshngain N Syiem da pynsñiaw u yei artatien wa ka sorkar India daw wanrah ko yei pynkylla ha ka 6^th Schedule ka riti synchaar ka ri.

Da ong u wa kamwa da sñiaw kattæ, ka sorkar India ym em jhan ko wow wanrah yei pynkylla ya ka 6th Schedule tangwa da ong u wa ym ye leh wow ong neibhah wa ka sorkar NDA ha Delhi toh kawa ye wow leh syndet ha iwon iwon i por kamwa da jia heipor wa wanrah ya ka Women’s Reservation Bill.

Da ong u wa lada ka sorkar India wanrah ko ha u Kmaichonglad (Dec) ya ka Amendment, daw hap ki wow pynbna smat, neibhah u pynslem biang ya ka Election toh ka wym ye de u leh, tangwa chong ha ka sorkar India lada daw phah pynman bait ya ka Election katkam ki Constituency wa katni næ wow e laad wow pynbait thymme chwa ya ki Constituency.

U PN Syiem uwa man leh u Deputy CEM ha KHADC da ong u wa la kammon kammon leh ya ka Election toh u man ko ha u Thohlakhmi (Feb) u snem wow wan lada ka sorkar India ym pynsmat ko wow wanrah ya ka Amendment hapoh ka Sixth Schedule.

Related posts

Hapoh dorbar ym lait ki tang u ang tangwa cha lait pynheh ki kam ki rem dorbar pynksan cha baar, ong u Titos ya ka EC ka VPP

June 26, 2025

Wanrah i ka mang tangka kawa boon dei yoh yei lut | Da pyndam leh ya ki Committee wa pynlut phut: VPP

June 24, 2025