Ki pulit ka Mumbai Traffic Police da yoh ki yei maham pyrchah ya u Chief Minister ka Uttar Pradesh, u Yogi Adityanath, heiwa da maham wow pynyap oo kamwa leh ya u Baba Siddique lada ym hiar chuki u.
Ini i maham da wan i hadien ini wa dep, u Baba Siddique, u Montri sorkar warim uwa man leh kam uwa yahkhmat ka NCP (Ajit Pawar) da chah siat u ha Bandra. Wei ini wan i leh hadien wa chah maham pynyap u Salman Khan.
Yeini i maham dapoi ha u WhatsApp Helpline Number ka Mumbai Traffic Police Control Room ynnin i janmiet. Ha kani ka WhatsApp Message da ong wa lada u Yogi Adiyanath ym hiar chuki u hapoh 10 sngi daw chah pynyap u kamwa jia ya u Baba Siddique. Neiliang ki Mumbai Police dang pynman ki yei takit yow chem ya kiwa phah ya ini i Message.
Ki pulit ka Mumbai ha kini ki tayaaw wa da lai da yoh ki chiboon kam kini ki jait maham kiwa boon toh pyrchah ya u Salman Khan uwa da chah maham pynyap lada ym su poisa u wei ya kini kiwa maham da yoh wow kem kiwa kynthup ya uwa dai jhoor uwa na Jamshedpur wa uwa dung Tattoo uwa na Noida. Kam wow pynkynmoo wa ha ki bnai wa dep da chah siat leh i yung u Salman Khan.
Kam wow kdaw heini wa u Baba Siddique toh uwa yajan bha wa u Salman Khan uwa da jooh chah maham ha ka Lawrence Bishnoi Gang kiwa da suba wa emkti wow pynyap ya u Baba Siddique wei da choon ki ya u Salman Khan neidaw wa siat yap u ya ka skai ‘Blackbuck’ ha Rajasthan heipor wa lai riñ u ya ka phlim Hum Saath Saath Hain.
Ka Lawrence Bishnoi Gang da chem leh wa emkti ki hei siat yei yung u Salman Khan ha u April uni u snem.
Discussion about this post