Tyrwa ka Pynurkba yei ya krehlang wa ki pulit yow chemdien ya kiwa murieh dawai Phensedyl hapoh ka chnong

Heiyatoh wa i yoh kem ki pulit ka District Executive Force ka East Jaiñtia Hills District ya 2800 tylli ki klong dawai Phensedyl na iwi i trep syiar wa em ha chnong Pynurkba hei step ka 3 tarik uni u bnai.

Neiliang ka chnong Pynurkba da e khublei ko ya ki pulit yei kreh chitom hadooh wow yoh u kem ya kini ki klong dawai wei heijooh i por man ko iwa khyrngiat ya ka chnong neibhah wym jooh em jia mynnu mynnu kam ini hapoh ka chnong.

Kamtæ da kyrpaad ya ki pulit wow thooh tre ya u bru wa leh ya ini i kaam khnang wa ka chnong u lait ko na iwon iwon i sih wei neiliang ka chnong leh da pyrchang ko wow thooh kiyi wa emkti ha ini i kaam neibhah kani ka trep syiar toh kawa em cha kdong bha wei ka wym em de wa pynemkaam da boon snem.

Chooh chooh da ong wa manda jai kam ini da pynbood naam ko ya ka chnong wei neiliang ka chnong leh da tyrwa ko yei ya krehlang cha ki pulit yow chem ya kiwa emkti ha ini i kaam.

Related posts

Da ka National Conference pynman ka NEAU Khliehtyrshi yow sñiawthooh yei long i man ka Northeast ha ka ri

October 12, 2025

Chem ki pulit ya u Bomb IED wa em booh hakhmat ka Meghalaya Rural Bank

October 12, 2025

I pyntip na u Waheh Chnong wa u Secretary ka chnong Pynurkba.

Puræ leh: 2800 tylli ki klong Phensedyl yoh kem ki pulit ka East Jaiñtia wa murieh hapoh trep syiar