I lehkmen dap 50 snem namo ka Golden Jubilee Celebration ka 50th Hundred Drums Wangala Festival da pyndep ka ynne ha Garo Heritage Village, Wangala A·dam, Chibragre, West Garo Hills, heiwa ka Hundred Drums Wangala Festival Committee, India da yoh ko ya ka Guinness World Record neibynta ka Largest Wangala Dance.
Ha kani ka sngi da em palat 1,000 ngut kiwa choh bom heijooh i por deiwa emlang ki kynthai wa ki chynrang wa chaad heiwa da leh da iwa kyrpang yow yoh ya kani ka Guinness World Record deiwa wan bichaar da u Richard Williams Stenning uwa na United Kingdom heiwa da pynbna u leh ya kani ka Record pyn ha kani ka thaw deiwa yarap ki 12 ngut kiwa na Garo Hills kiwa da yarap wow bichaar yeini.
Da wan wow sakhi ya kani ka sngi pynkut da u Gajendra Singh Shekhawat, Union Minister of Culture and Tourism ka sorkar India kam u Chief Guest deilang u Conrad K. Sangma, Chief Minister ka Meghalaya, u Sniawbhalang Dhar, Deputy Chief Minister, u T. D. Shira, Minister of Power, u Dr. Mukul M. Sangma, Leader of Opposition wa kiwi de.
U Conrad hawa e yei klam da khana u wa ha ka sien wa nyngkong wa sdang ya kani ka tamasa ha u snem 1976 da em du 20 tylli donhi ki bom wei da heh cha 100 tylli heiwa katni won dapoi 1,000 tylli ki bom kam chibynta kani ka lehkmen Golden Jubilee.
Na ki 10 tylli ki dhab wa chimbynta, ka Chidaogre da pynbna kam kawa jop deiwa yoh ko leh ya ka Trophy deilang ka song poisaw wa Rs 2 lak; ka Gondenggre da yoh wa ar ko deilang ka Trophy wa ka song poisa wa Rs.1.5 lak katwa hei wa le da yoh ka Sadolbra deilang ka Trophy wa ka song poisa wa Rs. 1 lak.
Ha uni u snem ka sorkar da e yarap ko Rs. 20 klur lyngba ka Public Works Department yow pynchna ya kani ka thaw pynman wa tip kam ka Wangala A·dam Venue wei yow pynkreh ya kani ka tamasa da yoh yarap Rs. 6 klur heiwa da pynemkaam ka yow wanrah ya ki bru ka Guinness World Records deiwa pynlut Rs. 36.65 lak.
Discussion about this post