I phah wan pyntipmit ya ki Kur ha ka Council toh wow pynneh ya i hiar pateiñ wa i rukom im

Ka Dorbar Tlang yong ka JHADC da man ko ynne ka sngi heiwa u Leader of Opposition, u Andrew Shullai da kylli u yei daw wa phah Register ya ki Kur ha ka Council.

Neiliang u Finelyness Bareh, EM da khana u wa ini toh katkam wa kwah wei angnood ki Kur hapoh Ri-loom Jaiñtia wow ye u pynneh yei hiar pateiñ wa i rukom im ki bru.

U Andrew da kylli u wa lada em i thmu na ka Council wow e ya ki ST Certificate, yeiwa u EM da khana u wa i thmu hi toh wow Register khnang wow ye u pynsakhiat wa toh ki khon ka Kur.

Chooh chooh u Andrew da kylli u lada em i yaklam wa ka sorkar næ wa ki bor District hajrong ini, neiliang u EM da ong u wa ya ini waroh daw yaphyllu wa ki heh ki kur.

Related posts

Da 4 lak tam ki Vote jop ka Priyanka Gandhi ha ka Election wa nyngkong yong ka

November 23, 2024

Ym du ha Garo tangwa ka Meghalaya waroh da yoo yei kylla hapoh ka NPP, ong ka MLA wa thymme ka Gambegre

November 23, 2024

Heijooh i por u Andrew da kylli u katwon tylli ki Working Scheme ya ki khloo hapoh u pood ka Council wa da pdiang da ka Ministry of Environment and Forest and Climate Change, North East Regional Office nadooh 10-04-17.

Neiliang u Lasky Rymbai, Dy. CEM da pyntip u wa da yoh 4 tylli ki Working Scheme ha ini i por.