Ym yoh Ticket u Baitlang na ka VPP wow yakhun MDC na Jowai South, paan u yei kyrchaan kam u kyrtong samen

U Baitlang Pohsngap da tyrwa u cha ki paidbah ka Jowai South wow yakhun u ya ka Election MDC cha ka Jaiñtia Hills Autonomous District Council (JHADC) kam u kyrtong khlem seiñ hadien wym yoh Ticket u na ka Voice of the People Party (VPP).

Hawa klam cha ki laad pathai khubor ha Shillong Press Club ynne, da ong u wa lada ki paidbah e ki yei kyrchaan ya oo, daw yakhun u ya ka Election kam u kyrtong khlem seiñ.

Da khana u wa nadooh u snem 2009 da yakhun u ya ka Election MDC tangwa khlem poi cha ka thong, wei ha kani ka kynti leh da pyrkhat u wow yakhun biang ya ka Election MDC heiwa da psiah u leh cha ka VPP wow paan leh ya ka Ticket da ka yurim wow wanrah ya ka saiñ hima-sima kawa khooid. Tangwa ym yoh Ticket u na ka VPP.

Da khana u leh wa da booh u yei tyrwa neibynta wow paan Ticket na u Secretary ka Election Committee yong ka VPP wei kamjooh na u President ka VPP.

Related posts

Hapoh dorbar ym lait ki tang u ang tangwa cha lait pynheh ki kam ki rem dorbar pynksan cha baar, ong u Titos ya ka EC ka VPP

June 26, 2025

Wanrah i ka mang tangka kawa boon dei yoh yei lut | Da pyndam leh ya ki Committee wa pynlut phut: VPP

June 24, 2025

U Baitlang da kylli u leh wa ka VPP da paan yumut ko namo ym em na ki paidbah hachwa wow e Ticket ha Jowai South, neibhah ym em ko ya ka Unit næ ka Circle ha katai ka Constituency.