Uwi u khynroo wa tip kam u Hudderfield Rymbui uwa na Nongtalang, West Jaiñtia Hills uwa sah ha Nongrah, Shillong da dooh noh u yei mynsien ynnin i miet heiwa da suba wa chah tyrrah ka thuk-thuk u kawa em Number ML-05AD-0566 ha kawi ka Mahindra Thar kawa man ka kari pulit (Police Escort) hajan ka ICAR, Ri-Bhoi District.
Da mih leh i pynbaad wa chah tyrrah chynnam ha kani ka kari pulit wei da em ki ar ngut wa chong ha kani ka thuk-thuk tangwa kawa chong hadien da lait ko nei mynsoo kawa da sakhi ya ini waroh.
Kini ki ar ngut toh kiwa dang mut wow lai cha ka Cherry Blossom Festival heipor wa jia ini.
Ya u Hudderfield da kit cha Holy Cross Health Centre, Umbir wei da slem wow pynkit oo chei thaw sumaar neidaw wym em Ambulance wa lait wei neidaw wa joor ka sahkut kari wa em kani ka tamasa kamjooh kiwa yarap pynkit oo leh ym ye ki wow pynpoi oo chei thaw sumaar heipor wa biang neidaw wa joor sahkut kari.
Neiliang ki paidbah da kylli ki wa kammon wa ha kam ini i por wa pynman kam kani ka tamasa wa heh ym ye u pynkhreh chwa wow pynbiang yarap lada jia iwon iwon khamtam hei mynsoo mynsnaam, chooh chooh kammon da ki bru wa da pynkup wow yada ki ya ki paidbah da yah kari thurmur ki khlem da pyrkhat de ya kiwi kiwa lai wa wan.
Chooh chooh ynnin sih leh u Number 108 wei neiliang ka NHM da e ko da u Number 7005517621 yow pynemkaam ki bru.
Discussion about this post