Ym du ha Garo tangwa ka Meghalaya waroh da yoo yei kylla hapoh ka NPP, ong ka MLA wa thymme ka Gambegre

Ka MLA wa thymme ka Gambegre Constituency, ka Mehtab Chandee Agitok Sangma hadien wa yoh yei jop da ong ko wa ki bru da pynyoo ki wa kwah ki yei kylla wei kwah ki ya ka roi ka paar wei kam ka NPP leh ya ini booh ko hakhmat dooh wei ki paidbah leh sñiawtooh ki yeini.

Da ong ko leh wa nachwa ym jooh ye u jop ya kani ka Constituency tangwa kattæ ki paidbah da jied ki ya ka neidaw wa kwah ki yei kylla neibhah ym du ha Garo Hills tangwa ha waroh kawi ka Meghalaya leh da yoo ki yeini deiwa em ka NPP ha ka sorkar wei u leh yeiwa bha dooh neibynta ki paidbah.

Neiliang u Conrad Sangma kam u National President ka NPP kamjooh leh u Montri Rangbah ka jylla da pynsñiaw u yei kmen deiwa e khublei leh ya ki paidbah ka Gambegre wa pynyoo ki wa kwah ki yei roi i paar wei u leh katwa ye yow pynyoh yei angnood ki paidbah.