Da boonsien dep u yasyllok wa kiwa chongdai madan, phylla u Paul yei pynbaad wa leh yabor

U Montri wa pait ya ka chnat Tourism ka jylla, u Paul Lyngdoh da kyntait u yei chah pynbaad ha kiwa chongdai madan wa ka sorkar ym em khut ya syllok ko ya ki hachwa wow kyrriah na Khyndailad cha ki thaw kiwa da jied da ka sorkar.

Da khana u wa da em boon tylli ki yalang wa dadep pynman hapoh i yahkhmat u Symbood Montri Rangbah wa pait leh ya ka chnat Pynroi Sor, wei da chna leh ya ka Committee wa da embynta lang da kiwa chongdai madan ha u snem wa dep, deiwa pynrap wa man iwa phylla wow ong ki wa ka sorkar ym em yasyllok ko wa ki.

Hawa kylli, u Paul da ong u leh wa ka chnat Tourism kwah ki wow pynmiat dur ya ka Khyndailad deiwa pynman ya ka kam ka thaw kawa laitlooid ki paidbah wei ka thaw ka wow khriñ ya kiwa uiñke suwari wei wow pynyoo wa ka Shillong ka em ko ya kiwa tem kiwa put kamwa da tip da ka pyrthai.

Da khana u leh wa ki thaw wow kyrriah wa da jied neibynta kiwa chongdai madan toh iwa da leh da ka Shillong Municipal Board (SMB), wei yei e por da pyntip da u Commissioner & Secretary ka Urban Affairs, u Dr. Vijay Kumar.

Related posts

Da 4 lak tam ki Vote jop ka Priyanka Gandhi ha ka Election wa nyngkong yong ka

November 23, 2024

Ym du ha Garo tangwa ka Meghalaya waroh da yoo yei kylla hapoh ka NPP, ong ka MLA wa thymme ka Gambegre

November 23, 2024

Kam wow pynkynmoo wa ha ka 22 tarik uni u bani, kiwa chongdai madan da lai toor ki cha ka yung krehkaam ka SMB yow paan pynche hajrong i thmu kyrriah ya ki na Khyndailad.

Ini i lai toor kiwa chongdai madan toh hadien wa ka sorkar da ong ko wow kyrriah noh ya ki hapoh ka 25 tarik uni u bnai.

Neiliang ka seiñ Meghalaya & Greater Shillong Progressive Hawkers and Street Vendors Association da pynbaad ko leh wa ka sorkar da leh yabor ko.