Dawa ki waheh chnong ka East Jaiñtia Hills na u DC wow takit yei joor ku ka bai bordiñ

Ka Synjuk Waheh Shnong East Jaiñtia Hills District da thoh ki cha u DC neidaw wa joor ku ka bai bordiñ iwa da ktah bha ya kiwa chong chnong.

Da ong ki wa nadooh u Naiynñiaw ter ter da yoh ki chiboon bha ki ujor na kiwa chong chnong wa da ku bha ka bai bordiñ hanla ym em joor i thang bordiñ ki iwa da pynkhia bha yei lutsan ki.

Ka synjuk da dawa ko na u DC wow pynman yei takit wa bniah bha yow pait boi em i bakla, u pait leh yow man ka rukom kheiñ bordiñ kawa khooid wa tikna khlem i bakla wei wow e leh ki laad yarap cha ki paidbah kammon wow su ki deiwa suk.

Chooh chooh da ong wa toh u chimkhia bha yow lait u jia ma jia kamni ha ki por wow wan.