I leh hap pyn kynmoo da kiwa puræ ya ka sorkar yei hok yong ki?

Jowai : Ki kynroo khyllood wa puræ ka Kiang Nangbah Government College da pynsniaw ki yei sniawsih kthang yong ki neidaw wa pynslem ka sorkar jylla wow pyllait ya ka Scholarship kawa toh ka hok yong kiwa puræ puthi.

Kiwa puræ ha kani ka College toh boon kiwa wan na ki manyung wa dooh wa duk kiwa maad ya kiwa boon i eh i khoo kam hei thied ya ki kot puræ puthi neidaw wa pynslem ka sorkar wow pyllait ya ka Scholarship.

U Justice Paul Lyngdoh General Secretary ka KNGCSU da ong u wa i chrai kiwa puræ ym toh de iwa ke ym du ha kani ka College kamjooh leh waroh ka wi ka jylla neidaw wa sah ki Scholarship nadooh u snem u snem 2011.

Da ong u leh wa ym pu em yoh ya ka Post Matric Scholarship nadooh u snem 2014-2015, 2015-2016 wei ini leh man ko kamjooh ya ki wa sah khapood ki wym pu yoh ya ka Border Area Scholarship nadooh u snem 2011. Dang sah leh sa ka Minority Scholarship kawa toh u wan lyngba ka NEC wei hei chem u GS ka KNGCSU da ong wa i daw waroh toh ka sorkar jylla ym ye ko u pynbiang ya ka 10% wow pyndap ya ka Scholarship neidaw wa ym em poisa ko.

Related posts

Lai kjat ki waheh wa ki khynnah na Dkhiah West chadooh cha u mot u Kiang Nangbah

March 23, 2024

Pynphooh ka Loompyrdi Iongpiah ya ka sngi ki kynthai deiwa pdiang burom ya ka Ridamaya

March 8, 2024

Mynchwa, ha chwa u snem 2013 kiwa puræ da yoh tista ki ya ka Minority Scholarship na ka NEC neidaw wa da bahkhlieh 100% da ka sorkar pyrdi tangwa nadooh u snem 2013 da pynbait wa ka sorkar jylla won hap su ko 10% kamtæ ya kani ka scholarship leh da sah kut ko.

Hei yatoh wa ini kiwa puræ da thmu ki wow seiñ da ka Joint Action Committee ka wow emlang waroh kiwa puræ hapoh ka jylla yow ya mih paidbah yow pynkynmoo ya ka sorkar jylla yow leh ko yeiwa emkaam.