Ka BJP da pyndooh ko yei synchaar paidbah nadooh iwa ye u baam kattu sa ka One Nation One Election: Ronnie

Uwa yahkhmat ka Congress uwa man leh u Chief Whip ka Liang Pyrchah ha Meghalaya, u Ronnie V Lyngdoh da ong u wa ka Congress ka pyrchah joor ko yei thmu yong ka sorkar pyrdi wa yahkhmat da ka BJP wow wanrah ya ka aiñ wow pynman Election heijooh i por ha waroh kawi ka ri.

Kam wow kdaw heini wa ka Union Cabinet yong ka sorkar NDA wa yahkhmat da ka BJP ha Delhi, da mynjur ko ya ka Bill wow pynman ya ka Election heijooh i por ha kylleiñ ka ri India kawa tip leh kam ka ‘One Nation One Election’, wei ya kani ka Bill da pynkhreh wow wanrah pynman aiñ ha Parliament ha kani ka Dorbar Tlang kawa dang lai kattæ.

Hawa kylli hajrong i thmu ka sorkar BJP, u MLA ka Congress da ong u wa ki paidbah ka ri India da chah pyndooh ko yei synchaar paidbah wa da chah synchaar embor khlem da tip, deiwa tyngkheiñ ya ka Riti Synchaaar kawa da pynkupbor lang ha ki sorkar jylla.

“Kam ka seiñ i pyrchah i ya kani ka Bill, neibhah nga chim oo wa toh ka buit du wow jop Election”, da ong u.

Related posts

Ymtoh yow suk u jop tangwa deiwa bichaar bniah ya u Andrew tæ yoh Ticket u: Ardent

December 18, 2024

Ngam yillu chwa ong u Prestone ya kitu kiwa kwah pyndooh ya ka Sixth Schedule

December 18, 2024

Da ong u wa lada ym bakla, kamwa da mih, i em ki khynroo khyllood ki wym em kreh toh kiwa boon dooh katni hapoh kani ka sorkar BJP.

U Ronnie da ong u leh wa du wow jop Election ym biang, neibhah hawa jop mut wa hap wow chakri ya ka ri deiwa pynbha ya ka rukom im ki paidbah, u pyntikna wa ki khynroo khyllood yoh kaam yoh jaam ki yow pynku ya ka ri wa kiwa chong chnong yong ka, khamtam wow lai katkam ka aiñ hapoh ka Riti Synchaar paidbah.

Da ong u wa pait ha Assam, u Montri Rangbah da rai u ya kayi wa ki paidbah u baam ki deiwa kylli iyi mut ini? 

“Ki BJP klam ki du dei ktien wa ki kohngooh wei lai ki katkam ka Riti Synchaar, katwa i leh yong ki won mar dei khangtleiñ”, da ong u Ronnie.