Neidaw wa joor baam tooh e kti ka JHADC ya ki Check Gate cha ki bru samen | Pyrchah ka JNC

Ka Jaiñtia National Council (JNC) lyngba u President yong ka, u Sambormi Lyngdoh da dawa ko na ka JHADC wow pynche paidbah hajrong i e kti wow pynlai ya ki Forest Check Gate yong ka ha ki bru samen.

Ka seiñ kam chibynta ka Save Jaiñtia Mission (SJM) kawa dang dep pynbna paidbah ha ka 14 tarik uni u bnai heiwa kawi na ki mat toh wow pynkhlan ya ka JHADC, kamtæ ynne i step da thooh bniah hajrong i e kti ka JHADC ya ki Forest Check Gate yong ka cha ki bru samen heiwa da chem ko wa i e kti toh kam wow pyrchang namo ka Trial ymtoh iwa pura.

U Sambormi da yoh u wow pyntikna yeini hawa yaklam wa u EM ka Forest Department, u Lasky Rymbai uwa da khana wa i daw wa leh kamni toh wa joor ware i baam-tooh ha kini ki Gate wei i yoh myntoi leh man iwa duna, kamtæ i thmu toh wow nujor hadooh katwon i yaphær hapyrdi i khrong ka JHADC wa ki bru samen na kini ki Gate.

Ka seiñ da pyrchah joor ko ya i leh u EM wa u CEM ka JHADC hajrong ini wei da ong wa lada ka JHADC chem ko wa i yoh na kini ki Gate man i wym biang da toh u thung noh da ka takit weiwa lada ki sahep næ kiwa kreh ym biang ki da toh u kylliang noh da kiwi tangwa wow e kti donhi cha ki bru samen wow pynlai kaam yoosar em iyi iyi cha lyndet.

Related posts

Yieñ skem ka Mawsynram wym cha u lehniam ha krem Mawjymbuiñ, maham ka KSP wow khang sarok chwa ka Christmas

December 18, 2024

Da wai ya ka Khnap Thang-bru ka Mukhla Nongrim kawa smat dooh u pyndep u chna

December 18, 2024

Da kylli leh wa hadooh katwon wa kini ki bru samen u kreh hok ki yei kaam neibhah wa mih i suba wa joor wa i leh ka JHADC kamni toh wow pynmyntoi yeiyi yeiyi khamtam chwa ka Election.

Ka seiñ da ong ko leh wym chong kli-kti ko wei daw booddien ko yeini wei daw thooh bniah ko ya kini ki Check Gate wei katwon yoh ki wow khrong dan wei kammon da pynkrehkaam ya ki.