Ynne ka sngi ki heh ka FKJGP West Jaiñtia wa ka JSU da yachem ki wa u Deputy Commissioner ka West Jaiñtia Hils, u Abhinav Kumar Singh wow yaklam hajrong ka MRSSA wei wow dawa na ka sorkar wow pynsmat u booh ya ki Facilitation Centre ha kylleiñ ki thaw psiah cha ka jylla Meghalaya na Assam.
Hadien i yachem, u Nangkhraw Rani uwa man u General Secretary ka FKJGP West Jaiñtia Hills da ong u wa neiliang ki ar seiñ da e dorkhat ki ha u Chief Minister hajrong ini i kaam heiwa da e por ya ka sorkar 30 sngi heiwa kattu dadap 15-16 sngi wei ynne da wan booddien ki ya ini i kaam ha u DC ka District.
Da ong u wa da dawa wow pynkrehkaam ya ka MRSSA wei wow booh noh ya ki Entry Exit ha ki soo tylli ki thaw ka West Jaiñtia Hills kiwa kynthup ya ka Saphai, Mukroh, Myntang Tiehwieh wa ha Saitsama.
Kamtæ da dawa joor wow booh noh ya ka Facilitation Centre wei lada ka sorkar ym chimkhia ko yeini, neiliang ka seiñ daw hap chim ko da kiwi ki luti.





Discussion about this post