Yieñ skem ka Mawsynram wym cha u lehniam ha krem Mawjymbuiñ, maham ka KSP wow khang sarok chwa ka Christmas

U Olan Sing Suiñ, MLA ka UDP na Mawsynram da khana u wa ka Dorbar Chnong Mawsynram da yieñ skem ko ha ka jooh ka yurim wym chah ya kiwon kiwon leh wow lai lehniam hapoh ka krem Mawjymbuiñ, heiwa da ong u leh wa ki bru wa na baar ym ye ki wow tuklar yei rai yong ka dorbar chnong heiyatoh wa kani ka krem.

Da ong u wa kattæ kani ka kaam dang sahteiñ ko hapoh ka High Court, kawa da phah ya ka Deputy Commissioner wow thung da kawi ka Committee, hadien wa da em ka mukotduma da ki wym yoh bor na ka dorbar chnong wow lai lehniam ha ki bnai wa dadep.

“Ha kani ka Committee da em ki dkhot na ki bor District, District Council, na ka chnat Tourism wa ka dorbar chnong. Ha kani ka Committee ka dorbar chnong da yieñ skem bait ko ha ka jooh ka yurim wym e bor wow lehniam hapoh ka krem Mawjymbuiñ”, da khana u MLA.

Hajrong won i maham ka seiñ ki Hindu wa tip kam ka Kutumba Surakshya Parishad (KSP) wow khang ya ka sarok kawa psiah cha Meghalaya, u Olan da ong u wa da man iwa emkaam ya ka sorkar jylla wow tuklar yeini i maham ki.

Related posts

Da phah khang ya 32 tylli ki Airport wa em ha India

May 10, 2025

Siat ka Pakistan ya ka Temple deilang ki yung ki sem ki bru

May 10, 2025

Kam wow pynkynmoo wa ka KSP ha ka 17 tarik uni u bani da maham biang ko ya ka sorkar jylla wa toh u wai noh ya ka krem Mawjymbuiñ hapoh ka 23 tarik uni u bnai khnang wa ki Hindu u yoh ki wow lai lehniam, lym kamtæ, ka Meghalaya da hap ko wow maad yei khang sarok.

U President ka KSP, u Satya Ranjan Borah da ong wa ki da khut biang ki ya ka sorkar Meghalaya wa toh u khut pynman yalang ya waroh ki liang heiyatoh wow wai biang ya kani ka krem Mawjymbuiñ yow yoh u lehniam ki Hindu. Wei da ong u wa KSP da booh ko ya kani ka 23 tarik kam ka sngi wa khaddooh wow pynman yalang wei wow pynbait yeini i lai cha ka krem Mawjymbuiñ.

“Lada ym ye wow pynmankaam yeini, daw chah khang sarok ha Jorabat hachwa ka Christmas”, da ong u Borah.