Ka kot Memories of Seven Campaigns kawa khana yei yakhun wa sakhiat u Kiang Nangbah

Ha ka yalang kynmoo warom ya ka lyngkhooh sngi yap wa 162 u Kiang Nangbah, Khlawait ka Ri-loom Jaiñtia wa pynman da ka seiñ Kiang Nangbah Iasiat Khnam Memorial Society, ynne ka 30 tarik u Kmaichonglad ha Kiang Nangbah Memorial Park, Madiah Kmai Blai Syntu Ksiar, neiliang u Dr. W.R. Kharlukhi, MP Rajya Sabha hawa klam kam u kongsan khana u wa kawi ka kot wa pyrtuid Memories of Seven Campaigns wa yoh u na uwi u paralok Doctor yong oo wei cha ka Seiñraij leh dep phah u lyngba ka WhatsApp, wa toh ka kot kawa khana yei sakhiat heiyatoh i yakhun u Kiang Nangbah waka sorkar phareng haka thaaiñ yong i.

Ong u em boon i thoh wa yoh naki kot sorkar pharæng tangwa kani ka Memories of Seven Campaigns man kawa khana yei sakhiat.

Wei heipor wa wan ki pharæng cha ka thaaiñ yong i paar ko pyn soo, iwa da wanrah chei yap ki 200 ngut ki chipai pharæng ha Ri Jaiñtia wa 3 ngut ki sahep phareng neidaw wa yakhun ki wa u Kiang Nangbah.

Neitæ i poi wow yap hadooh 200 ngut toh wa da thooh laad ki kut jait kammon u yoh kem ya u khon dap chynrang ka ri, tanwa heiwa khaddooh pyn da ki bru yong i hi wa leh tæ yoh ki pharæng u kem ya u Kiang Nangbah.

Related posts

Ym burom ka Pakistan ya ka Cease Fire deiwa pteiñ hi yei jooh

May 10, 2025

Da ka that chah ieh hapoh doh ka manbei wa wan kha khon ha MCH Jowai

May 10, 2025

Heiyatoh ki kyntien wa ong u Kiang Nangbah chwa wow yap how tylle pasi lada kyruiñ i khmat u cha mihsngi ka ri yong i u laitlood ko hapoh 100 snem, u Dr. W.R. Kharlukhi ngait u neibhah wa ha u 1947 da yoh laitlood, ha u 1972 won yoh yaka jylla wa pura iwa pynyoo wa da jia sakhiat i klam u.

Ong haroh u wa uni u bru toh uwa da khana chwa yei wow jia, da e u Blai ha oo i sap wow yoo u kammon ka ri yong oo chisien ka sngi, wym toh wa yap hi-heh u tangwa i yap yong oo pynim won ko yaka jaitbru.

Ha kani ka sngi u Dr. W.R. Kharlukhi kular haroh u wow e Rs. 10 lak cha ka seiñ Kiang Nangbah Iasiat Khnam Memorial Society khnang yow yoh ko u pynkrehkaam yeiwa thrang wa angnood ko ha kani ka thaw wa em leh u mot sahnaam u Kiang Nangbah.

Chwa ini da yoh leh i klam na u President ka seiñ, u C. Najiar, na u Shape Paswet, Vice President, na u Riquoma Rq Laloo, EC Member wa i ngooh Blai na u Barlee Moree Shylla.

Da em leh i booh syntu ha tre u mot Kiang Nangbah wei pynhær yaka lama, i saam khusnaam cha kiwa jop hei yakob yasiat khnam yong ki kyrdan waphær waphær najrong i chaad i rwai wa kiwi.