Wan maham ki Karbi ya ki warep ka Lapangap deiwa phah pynkylla ya ki kot Pata

Ynnin ka sngi ka 4 tarik heipor kamwa 9:00 waje i step, ki bru Karbi wa kam leh wa toh na ka seiñ KSA ryngkat i emlang u Augustine Hanse wa u Waheh Chnong ka Tahpat (Karbi) da wan maham ki ya ki warep yong ka chnong Lapangap kiwa lai rep ha pynthor Lapangap.

Kini ki pynthor toh kiwa em pyn hajan ka chnong Lapangap wa dang haap ha Elaka Shilliang Myntang, West Jaiñtia Hills District.

Kini ki Karbi da ong ki wa hap ki tre chnong Lapangap wow pynkylla ya ki kot ki Pata Hali yong ki cha Assam wei da maham ki leh wa lada ki warep ka Lapangap ym kylla ki ya ki kot ki Pata Hali cha Assam hapoh ar bnai, daw pyrchah ki yei wan rep wan riang ki ha ini i pynthor.

Related posts

Ujor ka Meghalaya Linguistic Minority cha High Court yow khang ya kiwa tymmoh khmat wow chimbynta ha ka Rally

August 23, 2026

Maham kiwa kamai kari ka Assam wow pynjoor yei yakhih deiwa ong wa chah chet kylla ha ka Meghalaya

August 23, 2026

Hadien ini neiliang ka Dorbar Chnong Lapangap da pyrchah joor ki yeini i leh ki Karbi kiwa kam leh hei pyrtuid ka seiñ KSA.

Kamtæ ka Dorbar Chnong Lapangap da maham joor ko wa lada jia iwon iwon ya ki warep ka chnong, kini ki bru toh ki wow bahkhlieh kamjooh leh da kyrpaad ya ki bor sorkar wow sñiawbha chimkhia yeini i wan maham ki Karbi.