Ki Bank toh u em ki i bahkhlieh manda chah sai thok ka poisa ki bru: Supreme Court

Ka Supreme Court ka ri India da ong ko wa ki Bank toh u em ki i bahkhlieh manda chah sai thok ka poisa ki bru deiwa pynrap wa ki bru leh toh u man ki kiwa husiar kiwa syndong wym toh u khana ki chaphang ka Bank Account kamjooh ki OTP cha kiwi ki bru.

Ini i ong ka Supreme Court toh hadien wa em wa yaleh mukotduma uwa em Account waka State Bank of India hadien em wa sai tooh Rs. 94,204.80 na Account u.

Ka Supreme Court da ong ko wa ka Bank toh u pait bniah ko heiyatoh wa kam kini ki kaam neibhah em ko ki stat Technology wow pait ya ini waroh manda em kiwa sai thok ya ka poisa ki bru.

Uni uwa yaleh mukotduma uwa tip kam u Pallabh Bhowmick hawa pyrchang wow pynuiñ yei tiar wa thied u Online, da yoh Phone u na ki bru wa kam toh na ka Customer Care wei da leh u kamwa ong ki deiwa Download ya ka Mobile App kawa sai ya kani ka poisa u.

Related posts

Syllen syndet kiwa chong chnong deiwa suba neidaw wa leh ka um

January 9, 2025

La 3 sngi kattu i pyrchang wow pynlait ya ki bru na i krem mooyong ha Umrangso

January 9, 2025

Ka SBI da ong ko wym em ko i bahkhlieh manda khana ki bru ya ki OTP wa ki MPIN cha kiw ki bru deiwa ong wa ini wa jia toh neiwa em wa chim kabu ya ka Website wa dai ya kini ki tiar.

Ka Supreme Court da ong ko wa katkam ka Circular wa pynmih da ka Reserve Bank of India ha ka 06-07-17, ki bru ym toh u em ki i bahkhlieh lada pyntip ki wut-wut lada em iwon iwon iwa jia wei ha iwa jia ha kani ka mukotduma da pyntip hapoh 24 kynta, kamtæ da kyntait yeiwa e daw ka SBI wym em ko yei bahkhlieh.