Da khylliap ya ka Nartiang Congress Unit

Ka Nartiang Congress Unit ryngkat ka Women’s Wing wa Youth Wing da rai ki wow mih noh na ka Party Congress na ki daw rukom e Ticket MDC cha ka JHADC.

Da ong wa ka Congress kawa man kam ka National Party tangwa ym em kheiñ wei burom ko ya kiwa kitkaam wa kiwa kyrchaan heiwa kiwa kitkaam yong ka MPCC wa ha District da lai lait ki yei kyndon krehkaam ka Party heiwa da pynbna wow e Ticket na ka 7-Nartiang Wahiajer Constituency cha u bru wym jooh yoo, u wym jooh em leh heipor Election MLA wa heipor ka Election MP wei ym em leh man u kam dkhot (Member) ka Chnong Nartiang Congress Unit.

Da ong leh wa ym jooh em yoo wa lai luti u wa kiwa kyrchaan ka Congress kamjooh uni u bru wym em u leh ka yurim wei wym em u leh ha ka imlang sahlang haka chnong Nartiang.

Kamtæ kam ka Nartiang Congress Unit da rai ki ha ka 18 tarik uni u bnai wow khylliap noh ya kani ka Unit ha Nartiang deiwa emlang nadooh ki President ki Secretary ki Unit waphær waphær kamjooh kiwa kyrchaan ka Party ha kani ka sngi wa da pynman yalang.