Ha ka 22 tarik uni u bnai heipor 6:19 i janmiet, uwi u bru da yoh SMS Message u ha ka Phone na u bru wym tipmit u uwa da maham wow booh boon tylli ki Bomb ha sor Shillong heiwa uni uwa phah SMS leh da ong u wa man u kam u dkhot ka ‘Ri-Bhoi Gang’.
Hadien da booh ya ka FIR, da Register Case ha Sadar P.S. hapoh ki kyndon 351(4)/353(2)/61(2) wa 113(2)(b) ka BNS Act.
Kamtæ ka Special Operation Team (SOT) ka East Khasi Hills da lai ko wut wut wow thooh ya uni u bru deiwa krehlang ki pulit na kiwi ki District iwa da pteiñ hadooh ynne ka 23 tarik wei da ye wow tipmit ya uni u bru uwa da tip kam u Edward Maiong (37 snem) uwa sah yungwai ha Lower, New Colony Laitumkhrah.
Ya kani ka Phone wa phah yei maham wow booh Bomb da chem ka wei da kem noh ka.
Ki pulit da pyntip ki wa ym ye khlem wow suba wa uni u bru emkti u wa ki seiñ kieñ suloi neibhah da chem ki sabut pyrchah ya oo.
Neiliang ki pulit ka District da pynman ki yei kynreh kari hapoh ka sor Shillong yow khanglaad ya kiwon kiwon kiwa thmu wow pynthut ya ka sngi Republic Day.
Kamtæ da khut ya ki paidbah wow ya krehlang ki wei wow pyntip cha ki pulit lada em iwon iwon deiwa Phone cha ka Police Control Room- 6009196479 næ deiwa Phone ha u 112.
Discussion about this post