Dooh uwi yei kreh wei u bia nei chah pynbaad bakla ha ki pulit wa emkti yeiwa jia ya u Saif Ali Khan

I bakla ki pulit ka Mumbai da pynman ko ya u Akash Kailash Kanojia wow dooh yei kreh kamjooh leh wow bia.

U Akash toh uwa lai luti na Mumbai cha Bilaspur da ka Jnaneswar Express ha ka 17 tarik uni u bnai yow lai yachem wa ka kynthai wa mut u wow bia tangwa da chah kem u ha ki pulit ka Railway Protection Force (RPF) ha Durg Railway Station. Wei ini toh hadien wa ki pulit ka Mumbai da pyntip ki cha ki RPF wa oo toh u bru wa psiah wow lai tooh nei thaw sah u Saif Ali Khan ha Bandra West haka 16 tarik uni u bnai.

Da khana u wa ki RPF ym du wa kem ki tangwa da pynmih ki yei dur cha ki laad pthai khubor hadooh wa kiwa ha-yung ka kynthai wa mut u wow bia da pyndam noh ki yei yachem wa oo wei uwa kreh u leh da beh kreh u oo.

U Akash toh uwa kreh kam uwa yah kari ha kawi ka Tour Company kawa kreh waka Western Railway ha Mumbai.

Da khana u wa da chah ksoh u hadooh 12 kynta ha ki RPF chwa wow poi ki pulit ka Mumbai kiwa da chondur oo wei da phah ki yei dur u cha kiwa thoh khubor wot hawa yasaaid u wa oo em u ha yung u heipor wa jia ya u Saif Ali Khan wei ye u pynsakhiat yeini lyngba ki CCTV tangwa ym ap ki ya oo.

Related posts

Wiar sa kawi ka khynnah ha Shillong | Mih ki paidbah wow yarap thooh

October 12, 2025

Dawa ka Synjuk Waheh Chnong EJH na u Sniawbhalang wow pynku kyrdan ya ka Lad Rymbai Outpost cha ka Police Station, u pait yei ku bai bordiñ wa ki sarok wa sih hapoh ka Wapung C&RD Block

October 12, 2025

Da pynlait ki oo ha ka 19 tarik du hadien wa yoh ki wow kem ya u bru wa leh sakhiat yeini i kaam ha ka 18 tarik.

Da ong u leh wa ki pulit ym em pait ki wa oo toh uwa em tmaaiñ katwa u bru wa yoh u riñ da ka CCTV wa psiah cha yung u Saif Ali Khan toh u wym em tmaaiñ.