Kular ka BJP wow thung MDC da u Dolloi; ka tulop ya ki Waheh Chnong

Ka Bharatiya Janata Party – Meghalaya Pradesh ynne ka sngi da pynlait paidbah ko ya ka thup ki thong krehkaam neibynta ka Election MDC cha ka KHADC wa JHADC ka wow man ha ka 21 Thohlakhmi.

Ha kani ka thup, ka party da kular ko wow thung noh da u Syiem cha KHADC wa u Dolloi cha JHADC lada wan ko hei bor wow man kam ki MDC (Nominated).

Ya ka thup da pynlait da u President ka Party, u Rikman G. Momin ha Office ka party, deiwa ong wa ka BJP kular ko leh wa lada wan ko hei bor daw e noh ko da ka tulop ya khlieh synchaar wa kynthup ya ki Sordar wa ki Waheh Chnong.

Da booh thong ko wow e yarap poisa Rs. 2,000 chi bnai ya kiwa mylla sngi kam kiwa kreh kynta, kiwa kamai kari, kiwa da yap kurim, ki manbei wa kyrchaan yung samen, wa kiwi.

Daw yakhun ko wow sdang noh ya i kaam tih mooyong katkam ka hukum ka Supreme Court khnang wow ku i yoh ki Council, wow pynku ya i uiñke suwari wei wow yada yei rukom man kyrpang ka jylla.

Related posts

Bien u Sanbor wow yakhun Election MP lada yoobiang ka BJP

April 8, 2026

Kyntu u Sanbor wow jied MP na ka BJP wow chimkhia ka Sorkar Pyrdi yei dawa ILP wa ktien Khasi

April 8, 2026

Ka party daw booddien ko leh yei pynkylla ya ka Sixth Schedule, khnang wow pynboon ya ki MDC wa thung donhi ha ki Council.

Ka BJP da booh thong ko wow booh ya i thaw noh jhep ha waroh ki Hima wa Elaka wei wow wanrah ya i rukom thung kreh deiwa khooid hapoh ki District Council kamjooh wow booh ya ka Committee wow pynkrehkaam ya ki scheme na ka sorkar pyrdi.