Ynne ka sngi ka Hynñiewtrep Border Disputed Redressal Forum (HBDRF) hei yahkhmat u Chongknor yong ka, u Chandame Sungoh wa u Thmulangki Sayoo da lai yachem ki wa ka CV Lyngdoh ka Addl. Deputy Commissioner, West Jaiñtia Hills District wei da e ki ya ka dorkhat cha U Deputy Commissioner, West Jaiñtia Hills District.
Ka Furom ha kani ka dorkhat da kyntu ko ya u Deputy Commissioner yong ka West Jaiñtia Hills District wow yaklam wa u DC yong ka West Karbi Anglong District neibynta wow pynneh yei chongsuk chongsaiñ hapoh Block-I heipor Election MDC yong ka Jaiñtia Hills Autonomous District Council nadooh kini ki sngi hadooh ka sngi thap vote ha ka 21.2.2025.
Ka seiñ da ong ko wa kamwa jooh jia ha ki poh snem næ ki Election kiwa da dep, ki Karbi jooh maham wei pyntieñ pynsorsa wei pyndik ki yei lai i wan ki Khasi Pnar kiwa em ha kani ka thaaiñ khamtam manda lai ki cha Meghalaya deiwa suba wa lai thap vote ki cha Meghalaya.
Kamtæ ka Forum da banjoor ko ya u DC wow chimkhia wow yaklam wa ki bor yong ka West Karbi Anglong District khnang wow pynneh yei chongsuk chongsaiñ wei wow lait u em i awri wei thut hei lai i wan ki Khasi Pnar cha Meghalaya hapoh kini ki por wa ha ka sngi thap vote.
Neiliang ka ADC leh da kular ko wow yaklam wa U DC hajrong ini i kaam.
Discussion about this post