Chah kem kawi ka Influencer deilang ar ngut kiwi kiwa chah pynbaad emkti hei yap uwi u heh spah

Ka Social Media Influencer kawa man leh kam ka Model kawa tip kam ka Shraddha Dubey kawa da chah suba hei yap uwi u heh spah uwa tip kam u Shiva Sharma, da chah kem ko na Nagpur da ki pulit ka Uttar Pradesh Special Task Force (STF) deilang ki Lucknow Police ynne ka sngi wei yeini da pyntikna da u heh ka Nagpur Crime Branch, u Deepak Agrawal.

Deilang wa ka Shraddha da kem leh ya ka diah ko kawa tip kam ka Rashmi Dubey wa uwa yah kari ki uwa tip kam u Tanveer Ali uwa khut siñ kam u Danish.

ADVERTISEMENT

Ya kini da thooh nadooh ka 9 tarik uni u bnai heiwa ki pulit da pynbna ki leh da ka nong wa mar Rs. 50,000 lada em kiwa pyntip chaphang kini ki le ngut.

Ya kini da thooh ki chaadooh cha Nepal leh.

Related posts

Chah kawang Petrol Bomb ha Keating Road ha kiwa wan da ka Scooty

October 20, 2026

I kyntu na ka chnong Panaliar heiyatoh wa ka Durga Puja ha Jowai

October 20, 2026

Ka Shraddha kawa em 31 snem i rta da yut ko hadien wa haap u Shiva na ka Balcony ka thaw sah u wa em ha ka mala wa soo ha Hazratganj, Lucknow heiwa nyngkong da suba wa noh yap u tangwa neiliang ka yung ka sem u ym em ngait ki yeini deiwa pynbaad ki wa nyngkong da chah pynchitom u chwa wow chah noh u najrong yung.

Na kani ka thaw sah u Shiva da chem leh ki Sex Toys wa ki Sexual Enhancement Drugs wei nei doh i pran u da chem ki dak wa chah kynthah u da u sikret heiwa da sap u du ka patlun poh donhi hawa haap na Balcony.

Ka Sharddha kawa man kam ka Fashion Model da imlang ko wa u Shiva hanla ym pu em bia ki. Wei da yalait ko wa u kurim ko ha u 2022 heiwa da em ko uwi u khon uwa sah wa u pa u. U Shiva man u uwa dadep chah kem ha u bnai August uni u snem heiyatoh wa iwi i jia yasiat ha Lucknow tangwa da yoh jamin noh u.

Ka Sharddha da kyntait ko yeiwa chah pynbaad ko deiwa ong wa u Shiva dap ram u kamwa Rs.15-20 lak kawa ym ye u su iwa da pynman ya oo wow noh yap u.

Da ong ko wa ha i por wa jia ini da psiah u hapoh kamra thaw sum wei manda slem u mih da pyrchang ko deilang ka diah ko wow wai ya ka dwar tangwa da mih u cha ka Balcony yow kynthiar.

Da kyntait ko leh yeiwa chah pynbaad wa pynchitom ya oo wei da e kti ko leh ya ka Phone u Shiva cha ki pulit yow pynyoo yeiwa yaklam u wa ki bru kiwa chim ram u.

Tangwa ka yung ka sem u Shiva da kyntait ko yeini waroh.