Ki heh ka BJP wa yahkhmat da u MLA, u Sanbor Shullai, u State President, u Rikman G. Momin, u State Vice President, u Bernard Marak da yachem ki ya u Montri ki kaam yada ri, u Rajnath Singh ha nongbah New Delhi ha ka 28 tarik uni u bnai.
Ha ini i yachem da yaklam hajrong wow yoh ya ki thaw kiwa haap hapoh ka Defence Ministry ha Shillong khnang wow pynkyllooid ya ki sarok deiwa pynemkaam ya ki sarok na Lady Keane Road cha Police Bazar, Shillong Peak Road, Umpling Bridge Road cha Chief Engineer Office Shillong wa ka luti lai kjat hajan Anjali Cinema Hall.
U Sanbor da ong u wa deiwa chah ya ki kari paidbah wow lai na kini ki sarok deiwa em u pood wa i kær wa skem daw yarap bha i wow pynduna yei sahkut kari ha sor Shillong.
Da ong u wa chiboon ki thaw ki chipai kam na u sarok Umsohsun cha Rhino ye wow pynyieñ kari ha ki wei ini daw pynkyllooid i ya ka Khyndailad.
Chooh chooh da ong u wa i thaw ha Anjali Cantonment Beat House ye wow pynkrehkaam wow pynyieñ kari kamjooh ki thaw wow chongdai madan wei u su ya i bai thaw katkam ki kyndon aiñ.
Ki dkhot ka BJP da yaklam ki leh yeiwa kær ya i thaw ki chipai hajan Rhino Point.
Neiliang u Raijnath da kular u wow chimkhia ya ini wei da paan u da ka Report wa bniah yeini i chem chitom ki paidbah.
Ka BJP da pyntip ko wa daw lai yachem ko wa u Chief Minister yow kyntu ya ki wow thung da ka Committee yow chim yei thaw ki chipai hapoh Shillong.
Discussion about this post