Ynne ka sngi u MDC ka 9-Mynso Nongjngi Constituency, u Evening Teron da thap pyrtuid u ha yung krehkaam u Deputy Commissioner ha Jowai kam u kyrtong ka NPP ha ka Election MDC cha JHADC.
Hawa yaklam wa kiwa pathai khubor, u Evening da ong u wa ha ka Election hi boonsien i pynkhreh toh u man iwa janai wei ha i yaleh em i jop wei rem kamtæ emkaam u kreh chitom khnang wow jop yow ye u chakri ya ki paidbah.
Heiyatoh wa i kylli yei sñiawhun u wow dep kreh chi samoi kam u MDC, u Evening da ong u wa chibynta da em chiboon i yarap wa da yoh u e ya ka Constituency wei dang em leh chiboon i duna khamtam ki Scheme wa toh u e cha ki paidbah wei kamjooh ya ki aiñ wow pynneh yei khyndaw u chyiap waka riti dustur.
Ha kani ka kynti u Evening daw yaleh pyrchah u pyn ya uwi tawon u MDC (u Richard Singh Lyngdoh na ka Congress), hajrong ini da ong u wa ym em sñiawphylla yeini hanla em ar ngut ki MDC wow yakhun na ka jooh ka Constituency wei waroh chong i ha i rai ki paidbah.
Discussion about this post