Da booh thong ka VPP wow jop 15 ngut ki MDC: Andrew Shullai

Ynne ka sngi, u kyrtong ka VPP na 18-Jowai North Constituency, u A. Andrew Shullai da thap pyrtuid u wow yakhun ya ka Election MDC cha JHADC.

Hadien wa thap pyrtuid, hawa yaklam wa kiwa pathai khubor da ong u wa ym ye u ong wa da pynwiar ya ka Jowai Central tangwa da pynkylla pyrtuid donhi ya ka wei da kynthup leh yaka Ladthadlaboh.

Heiyatoh wa i lai u cha ka VPP da ong u wa la ar sien jop MDC u na ka Congress wei da yakhun u ya ka MLA ini wadep na ka TMC hadien wa piah ka Congress chwa u 2023, wei i daw wa yakhun u na ka TMC toh wa man ko ka Party kawa sariem waka Congress wei ki yurim yong ka leh kiwa biang katkam wa oo leh ngait u.

Da ong u leh wa boon na ki dkhot ka TMC ha ka jylla, pyn katni leh da kwah noh ki wow mih tangwa dang chah ksoh ki neibhah wa man ki kam ki MLA.

Related posts

Kyntait ka Agatha Sangma wow man ka kyrtong MP cha Rajya Sabha

May 29, 2025

Pynlait ka sorkar Rs. 20 klur cha ka JHADC, sa Rs. 19 klur ha ki tayaaw wow wan

May 21, 2025

Chooh chooh da ong u wa ka Election katni da phær bha ko, ymtoh kamwa nachwa neibhah i pynemkaam ya i bor ka poisa, tangwa ha ki Election hi, ki paidbah toh ki syiem wei ki kyrtong toh u man ki kam ki chakri.

U Andrew da ong u leh wa kam ki jaitbru Pnar hanla yaphær ha ka niam tangwa ka yurim tre yong i toh kiwa tipbru tipblai.

Hawa kylli wa lada ka VPP u kreh ko wa kiwi ki Party, da ong u wa ka VPP toh kawa da em kyrtong ha waroh ki Constituency wei ympu pyrkhat wow yakreh weiyi weiyi leh neibhah da booh thong hi wow jop palat 15 ngut ki MDC.