Dawa ka MEPA waka SPC wow paan maap u Ardent

Ka Meghalaya Editors & Publishers Association (MEPA) deilang waka Shillong Press Club da e por ki 5 sngi ya u President ka Voice of the People Party (VPP) uwa man leh kam u MLA ka Nongkrem, u Ardent M Basaïawmoit, wow paan maap u hajrong i pynbaad wa khlem yurim ya ki ar tylli ki laad pathai khubor, kitæ ka Batesi TV waka t7news.

Ha ka chithi wa da phah cha u President ka VPP, ka MEPA waka SPC da ong ki wa ha ka yalang wa da pynman ha ka 15-01-25 ha Nongstoin, West Khasi Hills, u Ardent hakhmat ki paidbah da pynbaad u ya kini ki ar tylli ki laad pathai khubor da iwa khlem yurim wei da booh i leh hei maa ya kiwa kreh khubor da ini i rukom pynbaad.

Da ong leh wa kam kiwa thoh khubor da man i kaamram yong ki wow thoh khubor kiwa yatoh wa kiwa chong chnong ka jylla wei manda chah pynbaad ki kamni da booh ko ya ki hei maa hawa kreh wei hawa lai wa wan ki wei kamwa chem wa ki khubor wa da pynmih ym em bakla wei da pynmih katkam wa jia khlem da thmu wow thaad ya kiwon kiwon ki bru næ ki Party.

Related posts

Chem ki pulit ya u Bomb IED wa em booh hakhmat ka Meghalaya Rural Bank

October 12, 2025

Yoh bhah ka West Jaiñtia Hills napyrdi ki 100 tylli ki District ka ri wa chah jied u yoh ya ka Scheme PM Dhan Dhaanya Krishi Yojana

October 11, 2025

Kamtæ da paan yei pynche na u Ardent yeini wa da klam u ha katai ka yalang paidbah wei wow paan maap u leh na ka t7 wa Batesi wei lada ym em yoh yei jubab hapoh 5 sngi, neiliang ka SPC waka MEPA daw pynbor ya ki wow leh yeiwa toh u leh pyrchah ya oo kamjooh ka Party u.