U Ghanakanta Gogoi, uwa siat ya ki 6 ngut ha Hotel Bilas Inn ha Guwahati, da chah siat-yap u ha ki pulit ka Sivasagar ynne i step heipor kamwa 3:10 hajan Rongmon Dhaba, Phulpanichiga ka Sivasagar District.
Ka yutip wa yoh da ong wa ya u Gogoi da yah da ki pulit ka Sivasagar na Guwahati Central Jail heiyatoh wa ka Case ha Demow Police Station.
Ki pulit da ong ki wa ya u Gogoi da kit da ka Bolero wei manda poi ha Phulpanichiga da phah sangeh u ya ka kari wow lai mihlait u.
Ha i por wa hiar napoh kari, neiliang u Gogoi da pyrchang u wow knieh ya Pistol uwi u pulit uwa man leh kam u Investigating Officer wei da siat kani ka Pistol le kuli hei yaknieh ka, kamtæ yow lait u jia iwon iwon neiliang uwi won u pulit da siat u ar kuli na rupai ya u Gogoil iwa da pynman ya oo wow yap u ha ini i ithaw wei ha ini i yakhun u Sivasagar Police Inspector, u Debashish Sharma leh da mynsoo u.
Ya i metyap u Gogoi da booh ha Sivasagar Civil Hospital.
U Gogoi da em u kawi ka Case ha Sivasagar ka Case No. 108/2024, heiyatoh wa i kaam poisa wa ka Punjab National Bank (PNB) na u 2024 heiwa da kem ya oo da ki pulit ka Demow Police Station wei da kset ya oo ha Guwahati Central Jail.
Kam wow kdaw heini, u Gogoi da siat u ya ki 6 ngut ki bru ha ka 26 tarik u October ha Hotel Bilas Inn ka Bora Service, Guwahati heiwa da yap ki san ngut ki bru.
Discussion about this post