Chah kem ki 5 ngut kiwa tooh thuk-thuk na Assam deiwa wanrah cha Meghalaya

Ki pulit ka North Garo Hills ha ka 8 tarik uni u bnai da yoh ki wow kem ya 5 ngut ki bru wa tooh thuk-thuk deiwa chalan won ki cha Bangladesh hadien wa da pyntip yeini da ki pulit na Assam.

Kini ki bru da thmu ki wow chalan ya kini ki thuk-thuk lyngba ka Rongara, South Garo Hills cha Bangladesh wei da yoh ki pulit wow kem ar tylli ki ki thuk-thuk na ki.

Kini ki thuk-thuk toh kiwa chah tooh na Goalpara, Assam heiwa da suba wa da psiah ki cha Meghalaya lyngba ka North Garo Hills, kamtæ da sdang wow thooh ya kini ki thuk-thuk wei da yoh u ksoh ya kawi ka Pulsar wa em Number AS-18K-3422 hajan Gairong wei hawa takit ya uni u bru da yah luti wow chem sa kawi ka thuk-thuk wa em Number AS-01FF-1309.

Hadien wa takit ya kini da yoh wow kem waroh 5 ngut kiwa emkti kiwa da phla wa da mut ki wow lai chalan ya kini ki thuk-thuk cha Bangladesh lyngba ka chnong Rongara.

Related posts

Chah kem 5 ngut ha Mawsynram deilang ka Pistol wa chna ha Russia wa ki kuli

February 10, 2025

Dooh noh ka kynthai wa chah pakhot na ka Train yei khon wa da pun la soo bnai

February 8, 2025

Kini kiwa chah kem toh u Rockystar M Sangma wa u Sanstar A Sangma, kiwa na Baghmara, South Garo Hills, u Fozirul Haque na Sidabari, Goalpara, u Rofiqul Ali (uwa tip leh kam u Nabar Ali) na Nayapara, Matia, Goalparawa wa u Rakibul Islam na Nagarbera, Paharpara, Kamrup, Assam.

Ya kini da e kti cha ki pulit ka Matia Police Station, Assam kiwa da takit ya ini i kaam.