I chong dorbar wa ynñiaw ka 12th Manipur Legislative Assembly, kawa da toh u sdang ynne ka sngi da chah pyndam ko lyngba ka Notice wa da pynmih da u Assembly Secretary, u K. Meghajit Singh ynnin ka 9 tarik.
Ya ka hukum wa da pynmih da u Lat ka jylla, u Ajay Kumar Bhalla da ong wa katkam ka Clause (1) ka Article 174 ka Constitution ka ri India da pyndam noh yei pynman ya ka dorbar chna aiñ.
Ini toh hadien wa da hiar chuki u N. Biren Singh kam u Chief Minister ynnin ka sngi hadien wa yachem u wa u Union Home Minister, u Amit Shah ha New Delhi wei mar hadien ini da booh u ya ka chiti hiar chuki ha u Lat ka jylla ha Imphal.
U Lat da pdiang u ya ka chiti tangwa da ong u ya oo wow pteiñ u ksoh yei kaam kat wym pu ye u pynbait yei kynrum kynram.
Discussion about this post