Ha ki Election wa dadep da pynemkaam da ka poisa hadooh wa da noh chiliang i chakri: Andrew Shullai

Hei janmiet ka 14 tarik, u kyrtong ka VPP na Jowai North, u Andrew Shullai da pynman u ya ka yalang Election ha madan Marian, Moosalyngkat, Jowai hei emlang u MP ka Lok Sabha, u Dr. Ricky Syngkon.

Hawa e i klam, u Andrew da ong u wa i daw wa pynman ya oo wow yakhun u na ka VPP toh wa i man i long ka saiñhima ha ka jylla, heiwa hadien ka Election MLA 2023 da kjut nood u wow yoo yei synchaar chiliang ka sorkar wei heitæ mih ka VPP khamtam heipor Election MP heiwa da sakhi u ya ka luti ka VPP heiwa da yoo u ya ka luti wa khooid wa bait.

Da ong u wa ha ki Election wa dadep da pynemkaam da ka poisa kamtæ manda poi ki hei bor da noh chiliang i chakri ki du para ki donhi iwa da pynjakhlia bha ya ka saiñhima. Deiwa kdaw wa ka yurim ka jaitbru toh wow kamai yei hok.

Da ong u wa i dooh tulop kiwa kreh ha ka JHADC man iwa ktah bha ya ka Council heiwa da hap ki wow paan ram na kylleiñ wei man iwa sarom ya ka District Council.

Related posts

Lai ood ki MDC ka VPP ha ka sorkar wym yoh Scheme sorkar pyrdi ha ki Constituency wa em ha sor

May 13, 2025

Lada ka sorkar sñiaw ko wa emkaam palat ko wow wanrah luti rel ye ko wow lai chakhmat: Ardent

May 12, 2025

Chooh chooh da ong u wa ha JHADC wa em ka sorkar ka NPP ha ka jylla leh tangwa heini ki MDC ym ye ki wow leh iwon iwon neibhah hap ngait ki ya iwa phah ki heh ka NPP nadooh ki Montri wa kiwi kiwa ymtip yei yoh i dooh ka Council.

Da ong u wa i lait tooh u mooyong iwa joor, heitæ dooh myntoi bha ka Council na ka bhah yong ka na ki mar poh khyndaw.

Da ong u wa dang ini wadep mih ka karkhana thymme, heiwa ki kyndon ha ka NOC man ki i jooh kam kiwa rim khlem pyrkhat yei bha i miat ya ka ri waka jaitbru heiwa ym em thoh ya ki kyndon e kreh, ka dan wow yoh naka wa kiwi.

U Andrew da ong u wa ha ka Executive Committee toh ka NPP tangwa heithaw wow man ko kawa khlan, man pathan ko kawa da pyntlot bha ya ka District Council kat dang mih ki sngi wei lada kamni cheiwon u poi ko.

Kamtæ da kyrpaad u ya ki paidbah wow pynsñiaw cha kiwi ki lok ki jor wow khyrngiat ki wow tip yeiwa sakhiat.

Chooh chooh da ong u wa ka VPP da booh kyrtong ko ha waroh ki 29 tylli ki Constituency wei yooluti wa dei kyrchaan ki paidbah wow ye u chna sorkar ha ka JHADC ha kani ka kynti khnang wow ye u pynim biang ya ka Council.