Hei miet ka 14 tarik, u MP na Shillong, u Dr. Ricky Syngkon da wan u cha Jowai wow yalap Election neibynta u kyrtong ka VPP, u Andrew Shullai na Jowai North ha Madan Marian, Moosalyngkat, Jowai.
U MP hawa e i klam, da ong u wa hanlada ka Party man ko dang u le snem tangwa wanrah ko yei kyrmen dei emlang u Blai wa ka.
Da e khublei u ya ki paidbah wa da jied ya ka Party wow pynyoo ya oo kam u MP iwa da pynphylla ya kiwa na Delhi kiwa ong wa kammon ka Party wa dang le snem da ye ko u pynmih ya u MP heiwa da jubab u wa yaleh ko da i hok wa iwa sakhiat.
Chooh chooh da ong u wa kiwi ki wym em kyrchaan ya oo ha ka Election MP, ymtoh u artatien ki neibhah wa daw kreh u ya ki leh neibhah wa man u kam uwa chakri paidbah na Shillong Parliamentary Constituency.
Da ong u wa heiyatoh wa i mih ka VPP toh wow pynkylla ya ka saiñhima neibhah boonsien da klam ware ka poisa iwa da pynhiardor ya ka jylla yong i.
Heijooh i por da ong u wa nadooh u 2004 wa da iñ ka yung dorbar chna aiñ ka jylla, tangwa katni heiwon em ko, wei ini wadep da yoo wa i tnoom kyllung ka yung da haap i, iwa pynyoo ya i man i long i kreh ha ka jylla.
Da ong u wa la 27 snem da chakri u kam uwa sikai tangwa ym em poipyrkhat u wow psiah u cha ka saiñhima kawa klam ya kiwa boon ki kaam wei ini man i kam i kaam wow chakri ya u tre kynrand.
Heiyatoh wa ka Ri-loom Jaiñtia, da ong u wa man ko kawa da kyrkhu nadooh ki mar pohkhyndaw hadooh ki um ki wah tangwa yoo lakam wow dooh noh ya ki, tangwa deiwa em ka VPP daw ye u pynmih biang ya ka.
Da ong u wa heipor wa yoh ya ka chaap ka Party, da ong u wa man iwa bha neibhah da uni u prah daw ye u pæh ya u stait charood.
Heijooh i por da ong u wa lyngba ka saiñhima daw ye u pynkylla ya ka jylla cheiwa thymme.
Da yaroh u leh ya u Andrew deiwa ong wa lada kwah u Blai daw pynchong biang u ya oo kam u MDC wow tip ya i kaamram yong oo.
Discussion about this post