Pyrchah ka HNYM yei wanrah luti rel hapoh Jaiñtia Hills

Ka seiñ Hynniewtrep National Youth Movement (HNYM) East wa West Jaiñtia Hills District da pyrchah joor ko yei thmu wanrah luti rel da ka North East Frontier Railways katkam wa da mih khubor.

Da pyrchah leh yei thmu wow lai leh sorjamin yow wanrah ya ka luti rel hapoh ka Ri-loom Jaiñtia.

Ka HNYM da phah ko leh ya ka kyrwoh kawa che cha ka NFR wym toh u yooluti wa ka seiñ u e laad ko u wanrah ya ka rel hapoh ka thaaiñ kat wym pu ye ka sorkar jylla u wanrah ki aiñ wa biang kam ka ILP wow yada ya ki khian paaid.

Ka seiñ da ong ko leh ya u Montri ka sorkar jylla, u Kyrmen Shylla wym toh u yooluti wow wanrah ya ka luti rel lada ka sorkar ym ye ko u pynbiang ya ka aiñ wa khlan hapoh ka jylla, pynkut ka kyrwoh na u President ka HNYM West Jañitia, u Leo Suiam wa u President ka HNYM East Jaiñtia, u Artist Sari.