Neiliang ka seiñ kamai kari wa tip kam ka Jowai Ladrymbai to Khliehriat Tourist Taxi Association (JLKTTA) da pyntip ko cha kiwa chong kari kiwa lai na Jowai cha Ladrymbai wa Khliehriat wow sñiawbha u krehlang waka seiñ kawa em ya ka thaw pynyieñ kari namo ka Tourist Taxi Stand harood sarok Ladthadlaboh, Jowai (hawah i dukan Ilahui) wa em mar pyrchah ya ka Police Point wow lai cha Iawthymme.
Ka seiñ da kyrpaad ko ya ki lok ki jor kiwa najan najngai, kiwa chongdai kiwa lai khih lai kreh cha Ladrymbai wa Khliehriat wow sñiawbha wow wan chong kari bait na kani ka Stand wa pynyieñ wa da yang chwa ki kari nadooh i step hadooh i miet.
Ini da ong ka seiñ toh khnang wow chngaaiñ kiwa lai wa wan neibhah ki kari kiwa em ha kani ka Stand man ki kiwa chaniah katwa kiwa ymtoh na ka Stand toh ki wym ye ka seiñ u bahkhlieh.
Chooh chooh ka seiñ da ong ko wa da chem wa em ki kari kamai kiwa ye u man ki wym toh na ka seiñ wa da kit bru kulmar wei em ki por wa ka seiñ yoh ujor ko wa pynhær kari wei yah khlemakor ki i wym sñiawsuk ka seiñ wow tip.
Ka seiñ da ong ko leh wa deiwa krehlang ki paidbah daw ye u wanrah yei chngaaiñ hawa lai wa wan ki wei ki dkhot ka seiñ hi wa em i bahkhlieh khamtam ya ki kari wa mih na Stand wa da kdaw iwa em ha Iawthymme, Ladthadlaboh, Jowai.
Ini i kyntu wa phah da u President (Ph.No.7005131785) wa u Secretary (Ph.No. 8787641366).
Discussion about this post