Ka ngooh ka dem cha u Kynrad wa booh wa thoo ya i heini ha sla khyndaw pyrthai wa da emlang u chirup wa i ha kani ka lai luti ka yong i wot lada wym em u poi i cha ka thong leh, waroh da chaniah i ha u Kynrad uwa hakhlieh tam wa iyi wa da bynta u toh iwa bha tam.
Neiliang yong nga nadooh na tre u nood u yong nga kwah O u pynsñiaw yei sñiawngooh wa khroo ya phi kiwa kyrchaan wa maya yong ka Party VPP wa haap hapoh ka 21-Tuber Wapungshnong Constituency, kiwa kyrchaan wa maya ki yong nga ki 3301 Vote wa da chaniah phi ya nga chaniah phi ya ka Party VPP wa da e phi yei ya krehlang hei wow ya embyntalang phi hei lai luti ka yong nga dei maya khlem da chah thied chah tyrwa.
I rem yong nga ymtoh wow pynkut noh O heini, tangwa toh kam i sdang donhi wow pynkhreh won sa ha kawa daw wan neini, kamtæ da kyrpaad O ya phi u yai neh phi wow ya emlang phi chirup wa ka Party kam ka dak wa yatylli yow yoh i yei kylla kawa i da thrang i u yoh hapoh yong kani hi ka jylla waroh.
Ka e khublei cha phi kiwa kyrchaan wa maya ki yong nga ki 3301 Vote kiwa em hapoh ki 9 tylli ki chnong nadooh Mukhaialong, Tuber Kmaishnong, Pamrakmai, Wapungshnong, Mutong, Pynthorsale, Cham Cham, Lumshyrmit wa Tuber Shohshrieh nadooh ki khynroo khyllood, ki manbei manpa wa ki tymmen dei mynsien wa sñiawkhian e khublei kyllumlang O ya phi waroh.
E wa ini i kyrchaan yong phi, i emlang yong phi wym toh u kut ko du kat heini, wow nehlang phi wa nga wa ka Party khnang yow ye i u poi cha ka thong ha kawi ka sngi yow ye O leh u pyndep hok yeiwa thrang wa angnood yong nga yow man kam uwa chakri yong phi.
E wa u Blai u emlang u chirup wa phi, u kyrkhu kyrdoh ya phi yow yoh phi dei chait dei nang dei kmen dei sñiawbha yow ye phi u embynta ha ka imlang sahlang yow theh u i kyrkhu kyrdoh ha ki kaam ki jaam ha ka kamai ka kajih yow ye phi u pyndep hok jar jiar i kaamram.
I sñiawngooh wa khroo tam, na u Delmon Phawa.
Discussion about this post