U Deputy Chief Minister uwa man leh u State President ka NPP, u Prestone Tynsong da ong u wa i wan psiah ki le ngut ki MLA warim ka UDP cha ka Party da pynkhlan bha i ya ka heiwa ha kawi ka sngi daw synchaar ko samen.
Ki le ngut ki MLA kynthup ki ya u Paul Lyngdoh (West Shillong), u Renikton Lyngdoh Tongkhar (Mawkyrwat) wa u Nujorki Sungoh (Mowkaiaw).
U Prestone da ong u wa da chna Record ka Party heiwa ini u sah khanaparom ko yanom.
Da ong u wa la 2-3 bnai da yoo ha khubor wa yañia u Paul, u Renik wa u Nujorki wei itæ waroh chong i ha ki tangwa ka NPP man ko kawa suki kiaw khlem klam iwon iwon.
Da ong u wa ymphær lada heh næ khian tangwa em ki chirup wa ka NPP wei ym slem de daw synchaar ya ka sorkar samen.
Discussion about this post