Uwi u bru uwa chong chnong ka West Jaiñtia Hills da ujor u ha ki pulit wa ha ka 18 tarik uni u bnai heipor kamwa 11:00 waje i step, da em soo ngut ki bru wym tipmit u kiwa da wan ha Ialong yow phah li booh ki da ka kari u cha Soomer.
Tangwa heipor wa dang lai luti da sai tari ki wei da phah ki wow lai u cheiliang ka chnong Nangbah wei da phah ki leh wow syu u ya i kynja dawai heiwa da yapler noh u.
Kini ki bru da lute ki oo deiwa rah ya ka poisa kawa Rs. 4 lak wa em ha oo.
Ha iwi won i kaam lute, uwi uwa kreh wa kawi ka Courier Service Company, da ujor u wa ha ka 19 tarik da em soo ngut ki bru wym tipmit u wa da lute oo heipor wa lai e tiar u ha ka thaaiñ Amlympiang, West Jaiñtia Hills iwa em ha khappood wa ka Bangladesh.
Uni u jooh u bru da ujor u wa da em biang ki bru wa mut wow lute oo ha hajan ka chnong Riahjalong, WJH ha ka 26 tarik.
Heiyatoh wa ini wa jia ha ka 26 tarik, ki pulit da yoh ki wow kem ya uwi u Bangladeshi uwa tip kam u Sumon Bushias (19 snem) na chnong Amlympiang.
Discussion about this post