Chah pynyap kawi pyn ha uwa ya krehlang

Katkam ka khubor na ki pulit, ynne i step heipor 10:20, da pyntip cha ki da u tre ka Trattoria Restaurant, Central Ward Barik Lachumiere, uwa tip kam u Batskhem Suting wa kawi kawa kreh u da chah pynyap ko ha kani ka thaw wa em ka Restaurant.

Kamtæ ki pulit ka Sadar PS da lai ki wut-wut cha kani ka thaw deiwa emlang ka FSL Crime Scene Unit kiwa da sdang wow pynlang ya ki sabut ki nongmuna na ini i thaw wa jia heiwa da chem wa kawa yap toh kawa tip kam ka Damonica Laloo (41 snem) kawa na Lawsohtun wei da kreh ko kam kam ka Cleaner ha kani ka Restaurant.

Hadien wa pyman ya ka takit wei katkam ka sabut wa da chem, da lai kem ya u Sunai Singh (42 snem) uwa kreh ha kani hi ka Restaurant wei hawa takit ya oo da phla u wa da leh u ya ini i kaam.

Katkam wa phla u, hei miet ka 27 tarik heipor 11:00 waje i miet da mih i ya kajia hadien wa ya dih kiad wei kini ki ar ngut toh kiwa da ya emyatoh kam u chynrang wa kynthai.

Related posts

Chah lute uwi Rs. 4 lak deiwa chah pynyang tari wei chah pynsyu dawai

February 28, 2025

Psiah ki 60 ngut ki Bangladeshi yow tooh ya ki yung ki sem ka Umkiang pyn hajan ka BSF Camp

February 22, 2025

Da phla u leh wa da dat u ka da u Pipe wei da pyrchang u wow murieh yei metyap hadien u Transformer ka KJP Assembly Conference Centre wei ya uni u Pipe wa pynemkaam u leh da chem da ki pulit.

Yei metyap da kit cha NEIGRIHMS Hospital yow leh Post Mortem iwa daw pydep mynstep wei ya uwa emkti da kem wei daw lai rah oo hakhmat ka yung bichaar.