Pynkut ka HC ya ka mukotduma u Adelbert pyrchah ya u Speaker

Ka Meghalaya High Court hei bichaar u Chief Justice, u I.P. Mukerji wa u Justice W. Diengdoh da pynkut noh ki ya ka mukotduma wa yaleh da u Adelbert Nongrum kam u MLA uwa da ong wa u Speaker ka Meghalaya Legislative Assembly ym chah u wow wanrah ya ka Special Motion yow yaklam ya ka CAG Report ha ka 15-02-24 hapoh ka yung dorbar chna aiñ.

U Adelbert da kwah u wow yaklam heiyatoh i rukom e Contract cha ka Meghalaya Power Distribution Corporation Limited (MePDCL) kiwa yatoh wa ka Saubhagya Scheme.

Ya kani ka Motion u Adelbert da kyntait da u Speaker wow wanrah ka katkam ka Rule 130A ka Rules of Procedure and Conduct of Business ka Assembly.

Ha ka 19-02-24 neiliang u Commissioner & Secretary ka Assembly da phah chithi u deiwa e daw wa ya kani ka CAG Report dang puræ bniah da ka Public Accounts Committee, kamtæ da kyntait wow wanrah ka kam ka Special Motion.

Related posts

Pynlait-im ka payu ka actress Bollywood ya i khynnah kynthai

April 20, 2025

Chem uwi ya ka kurim wa wiar lyngba i WhatsApp Video wa uwi tawon u bru ha Taj Mahal

April 20, 2025

Ka High Court da ong ko wa ya kani ka mukotduma dadep wow chong bichaar bniah ka wei katkam ka Article 212 ka Constitution ka India, ki yung bichaar ym em bor ki wow luchia hei yania yatai wa jia hapoh ki Legislative Assembly la hapyrdi para MLA kamjooh hapyrdi ki MLA wa u Speaker.

Ka High Court da kdaw ko leh ya iwa da ong hapoh ka Article 212 neibhah wot hapoh ka Parliament leh ym ye ki u tuklar lada ym em biang pynlai ka leh deiwa e nongmuna deiwa pteiñ biang yei chong dorbar wot hadien wa dadep pynkut ka da u Speaker.

Da e nongmuna leh ya kiwi ki mukotduma kiwa ya sariem kam kini kiwa da yaleh heiwa ki yung bichaar ym em bor ki wow leh iyi iyi hawa kyntait u Speaker yei wanrah ya ki Special Motion.

Tangwa da ong wa ka Article 212 e laad ko ya ka yung bichaar lada jia donhi iwa man pyrchah ya ka aiñ wei da leh palat yei bor wa da e ha kiwa chna aiñ, wei kam ha ini i por ye wow pyndam ya iwa da lai wa da pynman hapoh ka Assembly.

Kamtæ da ong wa ha kani ka kynti ya kani ka Motion wa da wanrah toh u lai chwa ko lyngba ka Committee of Public Accounts yow pait ki ka katkam ka Rule 241 ka Rules of Procedure and Conduct of Business ka Meghalaya Legislative Assembly. Sa iwi leh da kdaw wa hapoh ka Article 151(2) ka Constitution da ong wa ka Report ka Comptroller & Audit-General (CAG) of India toh u lai booh chwa ka hakhmat u Governor chwa wow lai ko chapoh ka Legislature ka jylla.

Hajrong ini waroh da ong wa iwa leh u Speaker ym em man ko pyrchah ya ka aiñ hadooh wa hap wow pynemkaam ka High Court da ka Article 212, kamtæ da pynkut noh ya kani ka mukotduma u Adelbert.